मा. श्रीमती विद्या केळकर यांचे अभिनंदन !

मा. श्रीमती विद्या केळकर यांचे अभिनंदन ! श्रीमती सुशीलादेवी देशमुख स्मृती महिला पुरस्कार २०१८ च्या मानकरी

महाराष्ट्र राज्य सहकारी बँकर्स असोसिएशनची स्थापना १९३९ मध्ये झाली. या असोसिएशनतर्फे महाराष्ट्रातील सहकार चळवळीमध्ये योगदान केलेल्या व्यक्तींचा गौरव केला जातो. या वर्षी मा. श्रीमती विद्या केळकर यांनी सहकार चळवळीमध्ये केलेल्या योगदानासाठी महाराष्ट्र राज्य सहकारी बँकर्स असोसिएशनने सन २०१८ च्या श्रीमती सुशीलादेवी देशमुख स्मृती महिला पुरस्कारासाठी मा. श्रीमती विद्या केळकर, अध्यक्ष, बाबाजी दाते महिला सहकारी बँक, यवतमाळ, यांची निवड केलेली आहे

त्याबद्दल, विशुद्ध विद्यालयातर्फे श्रीमती विद्या केळकर यांचा सत्कार करण्यात आला. विशुद्ध विद्यालयाचे अध्यक्ष यांनी श्रीमती विद्या केळकर यांचे अभिनंदन केले व पुढील कार्यासाठी शुभेछा दिल्या.

१ ओगस्ट लो. टिळक पुण्यतिथी निमित्त विनम्र अभिवादन

हिंदुस्तानच्या स्वातंत्र्य संग्रामातील एक जहाल व्यक्तिमत्व लोकमान्य बाळ गंगाधर टिळक यांच्या पुण्यतिथीनिमित्त दि. 1 ऑगस्ट 2018 रोजी विशुद्ध विद्यालय संस्थेचे पदाधिकारी आणि संस्थेच्या घटकसंस्थांचे प्रतिनिधी यांनी आझाद मैदान, यवतमाळ येथील लोकमान्य टिळकांच्या पुतळ्याला मानवंदना दिली. याप्रसंगी संस्थेच्या उपाध्यक्ष विद्या श. केळकर, सचिव श्री. सतीश फाटक, सहसचिव सौ. शर्मिला फाटक, कोषाध्यक्ष श्री. मंगेश केळकर, विशुद्ध विद्यालयाअंतर्गत येणाऱ्या सर्व घटकसंस्थांचे प्रमुख व उपप्रमुख, तसेच श्री. चंद्रकांत रानडे, श्री. विजय कासलीकर, श्री. बलवंत आठवले, प्रा. अनंत पांडे व इतर मान्यवर उपस्थित होते. पुतळ्याला माळ अर्पण केल्यानंतर सर्वांनी मिळून लोकमान्य स्तवन गाऊन या लोकोत्तर पुरूषाला वंदन केले.

Top